Transcription
1
Monsieur, Ce porteur a quelque différent du temps des guerres
2
passées de quelque batteau qu’on luy meuna à Valence, de quoy il
3
n’a esté satisfaict et en est en procès et pource qu’il est
4
pouvre et au demeurant qui m’a servy toutes ces guerres estant
5
de mes subjectz, je vous ay bien volu escripre ceste lettre à sa
6
faveur pour vous suplier que vous leur commander qu’on luy
7
face justice et oultre laulmosne que vous ferés, je tiendray
8
le bienfaict estre faict à moy pour m’en revencher à vous faire
9
service. L’on faict icy forces levées et préparations pour combattre ce
10
pays de Viviers, ce qui me semble qui se pouvoit faire sans se
11
mettre en si grand peyne et despence. Toutesfoys, je pense
12
que monsieur le mareschal est pourveu de bon advis et conseil.
13
Madame d’Uzès a passé par icy, laquelle est si bien réduicte à
14
nostre religion qu’elle ne se peult saouller de visiter les religieux
15
exhortant tous ceulx de la nouvelle secte, confessant qu’elle a
16
esté grandement déceue et trompée pour le faict de la religion
17
et à ce que j’entendz, ceulx d’Uzès se réduyront à ce qu’elle leur
18
commandera que sera de rendre obéissance au roy et à monsieur
19
le mareschal Dampville, y recepvant telle garnison qu’il luy
20
plaira d’ordonner. Voylà toutes les petites nouvelles que
21
je vous scauroys mander du cousté de ça, vous présentant mes
22
humbles recommandations à votre bonne grâce et priant Dieu
23
monsieur vous maintenir en parfaicte santé très longue et heureuse
24
vie. De Thorène, ce XIIIme Xbre 1572
25
Vostre très humble voysin à vous faire service
26
St Chamond